Ég skellti mér í nám og mér sýnist ég ekki hafa nánast neinn tíma til að prjóna... prjóna samt yfirleitt þegar ég er að horfa á sjónvarpið (nema þegar þættirnir eru á dönsku) en ég er bara í svolítið stóru verkefni... er að prjóna á mig úr léttlopa og á prjóna 4,5 sem er svolítið smátt fyrr minn smekk... þannig að miðað við hvað ég get prjónað lítið í einu þá á ég eftir að vera marga mánuði að þessu :)
Þrátt fyrir að ég sakni þess svolítið að prjóna þá er það nú kannski líka af því að ég er að gefa mér svakalegan tíma í námið þar sem mér finnst eitthvað svo svakalega gaman að læra (vonandi helst það allt námið)... þannig að ég býst ekki við að skella neinu hérna inn á næstunni... ég er nú samt hvað á hverju að eignast lítinn frænda sem ég væri sko á fullu að prjóna á ef ég hefði ekki skellt mér í nám... en hvað um það... ég prjóna bara eitthvað á hann næsta sumar :)
Föndrarinn
- Ólöf Lilja Eyþórsdóttir
- Ég elska að föndra. Lærði að hekla í febrúar 2010 og hef verið óstöðvandi síðan. Ákvað að blogga um það sem ég er að gera bæði fyrir mig til að halda utan um það sem ég hef gert og til að geta gefið öðrum sem elska að föndra hugmyndir og jafnvel upplýsingar um hvar uppskriftir megi finna :)
