Hekluð blómasería

Ég bara næ að föndra smá núna... kannski er ástæðan sú að ég minnkaði námið um eitt fag og/eða bara að það er stutt síðan skólinn byrjaði :)

Mig langaði til að skipta út þæfðu túlípanaseríunni minni sem er fjólublá yfir í eitthvað sumarlegra... er ekki alveg að koma vor? Mér finnst ég amk aðeins farin að finna fyrir að það birtir fyrr og er aðeins lengur bjart á daginn ;) Ég var búin að rekast á blómaseríur á netinu sem voru með einföldum blómum og þær voru þannig að blómin voru ekki þétt heldur gisin... vona að þið skiljið hvað ég meina :)

Ég fór því aðeins að fikta í gær og heklaði tvöföld blóm úr léttlopa en ég elska lopa :) Hér eru myndir af afrakstrinum þeas að hekluðu blómaljósaeríunni minni:

Garn: Léttlopi
Heklunál: 4 mm
Uppskrift: http://www.ravelry.com/patterns/library/heklu-blomaljosaseria

Prjónamerki

Stalst aðeins til að föndra í gær... enda miklu skemmtilegra að föndra en að læra ;) Ástæðan var sú að ég seldi öll prjónamerkin sem ég átti en ég vil alltaf eiga smá lager :)

Tók svo mynd af litunum sem til eru:

Prjónamerki er eitthvað sem allir prjónarar ættu að eiga en þau eru t.d. notuð til að merkja upphaf umferðar og hvar eigi að taka úr. Hér má sjá mynband sem sýnir hvernig prjónamerki eru notuð: http://www.youtube.com/watch?v=NU8Qsx3pKzQ

Ef einhver hefur áhuga á að kaupa prjónamerki (lykkjumerki) þá er hægt að smella á Til sölu.

Vettlingar úr afgöngum

Mér finnst svakalega sniðugt þegar verið er að nýta afganga í að prjóna vettlinga... ekki hefur nú veitt af því að vera með hlýja vettlinga að undanförnu :) Ég ákvað því að prjóna vettlinga úr afganginum af síðustu peysu og láta fylgja með peysunni. Þar sem ég hef nú ekki prjónað mikið af vettlingum og hef ekki módel við höndina til að máta þá fannst mér öruggara að finna mér uppskrift. Fann þessa ágætu uppskrift í fleiri prjónaperlum en ákvað samt að breyta aðeins mynstrinu.

Ég veit ég á það til að prjóna laust... nema heldur fastar í mynstrinu og vonandi verð ég einhvern tímann betri í því. En þessi vettlingauppskrift finnst mér samt einum of stór. Ég prjónaði stærð 6-9 ára og þeir passa á mig... og mér finnst þeir heldur of víðir meira að segja neðst. En ég bara græddi vettlinga á því ;)

Ég hafði reyndar prjónað aðra vettlinga úr þessari sömu bók og mér fannst þeir hefðu alveg mátt vera aðeins stærri fyrir minn smekk... :) Mér finnst nú varla taka því að gera prjónafestuprufur fyrir svona lítil stykki... enda ætti ekki að muna miklu þegar svona lítill hlutur er að ræða :) En ég þarf greinilega að fara að prjóna aðeins fastar ;)

Garn: Léttlopi
Prjónar: 3,5 og 4,5 mm
Uppskrift: Fleiri prjónaperlur

Enn einn Lokinn :)

Ísabella frænka er búin að stækka svo mikið og fór varla úr lopapeysunni sem ég gaf henni í afmælisgjöf í fyrra... þannig að það var bara drifið í því að nota restina af jólafríinu í að prjóna nýja stærri í afmælisgjöf... mér finnst alltaf jafn gaman að prjóna hana þar sem hún er prjónuð frá hálsmáli og niður. Kláraði hana í gær enda ekki seinna vænna þar sem skólinn var að byrja... ótrúlegt hvað jólafríið leið hratt! Þannig að það mun sennilega ekki koma mikið frá mér hér á næstunni... ekki fyrr en í sumarfríinu býst ég við :) En hér eru myndir af lopapeysunni:

Greinilegt að frænkur mínar eru hrifnar af fjólubláum lit eins og ég :)

Þessi peysa er stærð 8. ára en fyrri peysan hennar var stærð 6. ára. Ég heklaði núna breiðari kant og hafði stærri tölur.

Garn: Léttlopi
Prjónar: 3,5 og 4,5 mm
Heklunál: 4,0 mm
Uppskrift: http://www.ravelry.com/patterns/library/loki-20 (http://knittingiceland.is/2010/12/14/loki-a-free-pattern/?lang=is)

Hekluð dúkkuföt á Baby born

Loksins kemur eitthvað nýtt frá mér. Ég er sem sagt búin í prófunum... reyndar fyrir nokkru síðan og búin að sitja svolítið stíft við með prjónana og heklunálina :) Ég er búin að sakna þess svolítið mikið... ég er í jólafríi til 9. janúar og þið vitið þá hvað ég mun gera við tímann :)

Frænka mín bað mig að búa til handa sér dúkkuföt í afmælisgjöf en hún átti afmæli í nóvember... mér fannst agalega leitt að hafa ekki orðið við bón hennar... þannig að hún fær m.a. dúkkuföt frá mér í jólagjöf... fjólublár er uppáhaldsliturinn hennar og ég vona að hún verði ánægð með gjöfina :)

Ég heklaði peysu og húfu úr stíl og er uppskriftin af því úr Prjónablaðinu Ýr... það voru buxur líka í settinu og skór... ég heklaði skóna en fannst þeir passa mjög illa þannig að þeir voru ekki nothæfir. Ég ætlaði að hekla buxurnar en ákvað svo að sleppa því þar sem ég held að frænka mín væri hrifnari af kjól :)

Þannig að ég heklaði bara upp úr mér kjól og skó sem pössuðu vel á dúkkuna og svo hárband við :)

Peysa og húfa:
Garn: Sandnes Garn Lanett
Heklunál: 2,5 mm
Uppskrift: Prjónablaðið Ýr nr. 43

Kjóll, skór og hárband:
Garn: Sandnes Garn Mandarin Petit
Heklunál:  3,0 mm
Uppskrift: engin

Enginn tími til hannyrða

Ég skellti mér í nám og mér sýnist ég ekki hafa nánast neinn tíma til að prjóna... prjóna samt yfirleitt þegar ég er að horfa á sjónvarpið (nema þegar þættirnir eru á dönsku) en ég er bara í svolítið stóru verkefni... er að prjóna á mig úr léttlopa og á prjóna 4,5 sem er svolítið smátt fyrr minn smekk... þannig að miðað við hvað ég get prjónað lítið í einu þá á ég eftir að vera marga mánuði að þessu :)

Þrátt fyrir að ég sakni þess svolítið að prjóna þá er það nú kannski líka af því að ég er að gefa mér svakalegan tíma í námið þar sem mér finnst eitthvað svo svakalega gaman að læra (vonandi helst það allt námið)... þannig að ég býst ekki við að skella neinu hérna inn á næstunni... ég er nú samt hvað á hverju að eignast lítinn frænda sem ég væri sko á fullu að prjóna á ef ég hefði ekki skellt mér í nám... en hvað um það... ég prjóna bara eitthvað á hann næsta sumar :)

Heklað utan um stóra krukku

Mér áskotnaðist fyrir nokkrum árum nokkrar risastórar krukkur sem ég hafði notað undir kerti en ákvað núna að hekla utan um eina til að skreyta fyrir utan hjá mér í tilefni þess að ég bý í bleika hverfinu á bæjarhátíð þar sem ég bý. Mér fannst þetta bara lukkast nokkuð vel en fannst ég verða að prufa að hekla líka utan um lokið svo að krukkan gæti staðið úti alltaf og myndi ekki fyllast af vatni... þannig að ég skelli bara lokinu á þegar ég er ekki að nota hana. Ég var nú samt í vandræðum með lokið þar sem ég sá nú fram á að þetta myndi fjúka af í næsta roki þannig að ég setti teppalím ofan á og smá á hliðina og vonandi dugar það til :)

Annar er ég svo svakalega symmetrísk að ég verð að hekla mér aðra :)

Garn: Sandnes Garn Mandarin Petit
Heklunál: 3,5 mm
Uppskrift: engin - er bara upp úr mér