13. janúar 2013

Heklað vintage teppi

Það var samhekl (CAL) inni á grúbbunni Handóðir heklarar á Facebook á svakalega fallegu teppi... ég var auðvitað alveg sjúk en ég gat bara ekki leyft mér að byrja á öðru teppi þar sem ég er með annað í vinnslu og svo var brjálað að gera í skólanum og stutt í prófin... þannig að ég hét á mig að ef mér myndi ganga vel í prófunum þá gæti ég heklað þetta teppi í jólafríinu :) Það gekk eftir og ég byrjaði að hekla á Þorláksmessu.

Heklað vintage teppi

Það er verið að selja uppskrift af svona teppi og er ég með link á uppskriftina hér fyrir neðan. Ég veit auðvitað ekki alveg hvort að þetta sé eins þar sem ég fór ekki eftir neinni uppskrift heldur sá þetta bara út með því að skoða myndir af teppum inni á Ravelry.

Heklað vintage teppi útflatt

Heklað vintage teppi útflatt frá öðru sjónarhorni

Heklað teppi samanbrotið

Heklað vintage teppi kantur

Heklað vintage teppi í hrúgu

Heklað vintage teppi á stól

Teppið er mjög skemmtilegt að hekla og fljótheklað ef þið notið ekki mjög fínlegt garn. Ég notaði einfaldan plötulopa en ég sá að nokkrar voru að nota hann í samheklinu og ég var mjög spennt... sérstaklega þar sem ég elska lopann og svo skemmir ekki verðið á honum heldur fyrir enda mjög dýrt að kaupa gæðagarn í teppi :) Ég notaði sjö liti og raðaði þeim á handahófskenndan hátt en þó ekki þannig að ljósu litirnir röðuðust saman. Ég notaði fjóra brúntóna liti, hvítan, fjólubláan og mosagrænan og finnst þetta koma mjög vel út.

Teppið er mjög létt og lipurt og ég mæli með plötulopanum... eina spurningin er hvernig endingin verður... en þá bara hekla ég bara fleiri enda sakna ég þess pínu að vera búin með það þar sem mér finnst þetta afar skemmtilegt mynstur. Teppið mitt er ca. 135 x 190 cm að stærð.

Garn: einfaldur plötulopi
Heklunál: 5,0 mm
Uppskrift: Ég fór ekki eftir neinni uppskrift en teppið er í líkingu við þetta teppi
http://www.ravelry.com/patterns/library/vintage-crocheted-throw--afghan

Viðbót 28.01.2013
Ég var að skoða teppi á Ravlery (já ég veit ég er teppasjúk) og sá þar uppskrift sem er ókeypis... en hún er ekki eins en samt svolítið svipuð:
http://www.ravelry.com/patterns/library/express-v-stitch-ripple-afghan

6 comments:

Ása Hildur sagði...

Mjög flott hjá þér og litirnir æði ég myndi ekki hafa neinar áhyggjur af endingunni lopinn er ótrúlega sterkur það gera löngu hárin í honum.

Nafnlaus sagði...

Flott teppi og frábærir litir. Veistu nokkuð hvað þetta hekl heitir á ensku?
Kv. Harpa

Ólöf Lilja Eyþórsdóttir sagði...

Takk fyrir :)

Nei Harpa ég veit ekki til þess að þetta heiti neitt... en þó gæti verið að í uppskriftinni væri eitthvert nafn :)

Unknown sagði...

Flott teppi. Ég er algjör nýgræðingur en getur þú sagt mér hvort þetta er sama mynstur og hér er sýnt á You Tube:http://www.youtube.com/watch?v=d1AmNif_gYQ&list=PLSd0FahecsV7z5wB-KSJF-9Kmyn_WV8TA

Ég mun líklega ekki nota lopa, hvað þarf maður margar dokkur svona cirka í svona teppi?

Ólöf Lilja Eyþórsdóttir sagði...

Nei þetta er ekki sama mynstrið.

Unknown sagði...

Veistu hvar ég get fundið hvernig teppið er heklað?

Skrifa ummæli