Skreyting fyrir bæjarhátíðina

Sumar á Selfossi er núna í fullum gangi og ég auðvitað heklaði bleikt skraut þar sem ég bý í bleika hverfinu. Ég ákvað núna að nota akrýlgarn þar sem lopinn varð ansi fljótt ljótur. Þetta sem ég setti upp í fyrra fékk ekki að vera í friði fyrir krökkunum í götunni þannig að ég ætla ég að taka þetta bara niður og því festi ég graffið bara með hekluðum böndum og batt slaufu :)


Hekluðu blómapottarnir voru gerðir í fyrra en ég notaði þá aftur í sumar... garnið sem var dökkbleikt er eiginlega orðið ljósbleikt.


Heklaði utan um stóra krukku þar síðasta sumar... vonandi verður ekki rigning í kvöld svo að ég geti haft kveikt á kertinu :)

Ég eyddi ansi mörgum tímum í að hekla þessar veifur. Uppskriftin af þríhyrningunum heitir Motif 70 og má finna í bókinni Beyond the Square Crochet Motifs eftir Edie Eckman. Mjög eiguleg bók með skemmtilegum dúllum sem eru alls konar í laginu. Ég reyndar heklaði allt nýja skrautið í ár úr bókinni :)

 

Ég heklaði bara loftlykkur og svo fastalykkur á þríhyrningana og svo saumað ég þrjár perlur neðst til að þyngja veifurnar.

Hekluð stjarna á ljósastaur. Ég gerði nokkrar svona enda ferlega skotin í þessari dúllu :)

 

Enn ein stjarnan... orðin aðeins blaut og skítug eftir rigninguna :( 

 

 

Þessi dúlla var fallegri áður en hún kom upp á staurinn enda sést hún ekki alveg nógu vel svona :)



 



Þessi dúlla var nú ekki mjög falleg þegar ég var búin að festa hana á staurinn en hún var mjög sæt fyrir... gleymdi að taka mynd af henni áður en ég festi böndin í hana.

Ein afgangsveifa fékk að fara upp á einn ljósastaur.

Garnið sem ég notaði í skrautið í ár var annars vegar Kartopu Basak og hins vegar Julia frá Steinbach Wolle og svo notaði ég 4,0 mm hekunál.

Það sem ég hef verið að bardúsa

Loksins blogga ég... en núna um helgina er Sumar á Selfossi og ég er búin að hengja upp það sem ég hef verið að gera :)

Ég auðvitað heklaði utan um skyrdósirnar og graffaði á snúrustaurinn og hafði það í hverfislitnum mínum... en svo bættist þetta við...

Heklaði blóm úr einbandi og hengdi á ljósaseríu

Hér sést betur hvernig blómin eru

Heklað hjartagraff úr tvöföldum bleikum plötulopa

Heklað graff úr tveimur litum af plötulopa og dúllerí úr einbandi

Svo er það stóra graffið...

... heklað úr tvöföldum plötulopa...

... og blómin úr léttlopa

Ég var ansi lúin og loppin þegar ég var búin að sauma þetta stóra stykki á staurinn... hefði betur byrjað á því en ekki endað... mér fannst saumurinn vera frekar ljótur þannig að ég saumaði fleiri blóm á hann þannig að fólk kannski hefur þá eitthvað annað að glápa á en sauminn ;)

Fyrsta graffið

Ég rakst á netinu á að það var International Yarn Bombing Day á laugardaginn. Í tilefni dagsins ákvað ég að prófa í fyrsta sinn að graffa... fyrsta fórnarlambið var nú bara snúrustaurinn... ljósastaurinn var svo svakalega sver ;)