Ullarsokkar og vettlingar í stíl

 

Ég held áfram að prjóna úr öllum þessum plötulopa sem ég á... systir mín óskaði eftir ullarsokkum handa sex ára frænda mínum og ég gerði það með glöðu geði og ákvað svo að prjóna vettlinga í stíl :)

Ég held að mér finnist skemmtilegra að prjóna ullarsokka en vettlinga amk skiptir engu máli á hvorn fótinn sokkurinn passar en ég lenti í því að ég er búin að prjóna tvo hægri handarvettlinga og nenni ekki að prjóna tvo vinstri handar til viðbótar *andvarp*

Mér fannst þeir koma skemmtilega út þ.e.a.s. að hafa þá svona yrjótta en ég notaði plötulopa í þremur brúntóna litum. Þannig að mér fannst frændi þyrfti að eiga hlýja vettlinga í stíl við ullarsokkana :)

Ég fann strax aðra uppskrift úr vettlingabókinni góðu... en ég verð nú samt kannski að fara að skoða fleiri uppskriftir og kannski að prjóna einhverja þar sem skiptir ekki máli á hvora höndina þeir eru ;)

Þeir komu ágætlega út og ég auðvitað passaði mig sérstaklega á því að gera vinstri handar vettling ;) Svo passa þeir betur á frænda minn heldur en þessir röndóttu sem voru úr tvöföldum plötulopa og svo eru þeir pottþétt hlýrri.

Sokkar: 
Garn: þrefaldur plötulopi í þremur brúnum tónum
Prjónar: 5,5 mm.
Uppskrift: Yrjóttir barnasokkar í fimm stærðum úr bókinni Sokkar og fleira

Vettlingar:
Garn: þrefaldur plötulopi í þremur brúnum tónum
Prjónar: 4,5 og 6,0 mm.
Uppskrift: Vettlingar fyrir 4-10 ára úr þreföldum plötulopa úr bókinni Vettlingar og fleira

Heklaðir sumarbústaðarsokkar

Ég er búin að vera í viku í sumarbústað í grenjandi rigningu þannig að ég hafði alveg smá tíma til að hekla og náði ég að hekla þessa sokka þar. Mig hafði lengi langað til að hekla fullorðinssokka en ég átti einmitt ágætt sokkagarn í garnhrúgunni minni sem ég hélt að væri kjörið í þetta.

Ég er haldin pínu fullkomnunaráráttu og mér finnst einhvern veginn finnst garnið ekki koma alveg nógu vel út í þessu og mér finnst táin ekki vera flott á sokkunum. Ég notaði einmitt þetta sama garn í Skorradalssjalið mitt og hefði betur bara gert annað sjal úr garninu ;) Ég kannski geri einhvern tímann aftur svona sokka og þá myndi ég hafa þá einlita ;)

Uppskriftin er ágæt nema að þar sem þetta voru fyrstu hekluðu sokkarnir mínir þá var ég í vandræðum með að skilja hvernig hællinn var gerður... kannski var þetta ég eða þá að uppskriftin hefði mátt vera ítarlegri sem ég reyndar hallast frekar að ;) Mér persónulega finnst að uppskriftir eigi að vera skrifaðar þannig að þær eigi að gera ráð fyrir að það hafi ekki allir heklað/prjónað slíkan hlut áður. Ég þurfti því að rekja nokkrum sinnum upp og skoða myndir af öðrum verkum inni á Ravelry þar til ég náði þessu og þá var þetta auðvitað hlægilega auðvelt... er það ekki alltaf svoleiðis? ;)

Garn: Schoeller+Stahl Fortissima Shadow Color
Heklunál: 3,0 mm og 3,5 mm
Uppskrift: http://www.ravelry.com/patterns/library/twisting-lace-socks

Lufsur

Loksins get ég heklað í einhverjum öðrum lit en bleikum! Sat og heklaði Lufsur úr Þóru heklbók fyrir framan sjónvarpið í gærkvöldi... en þar sem músarskórnir mínir voru orðnir ansi lúnir þá vantaði mig eitthvað fyrir kaldar tásur ;)

Uppskriftin var fín fyrir utan smávægilegar villur m.a. garnþörfin en í þessar fóru rétt rúm ein dokka en ekki 3 eins og uppgefið var í uppskriftinni. Ég nennti ekki frekar en fyrri daginn að gera heklfestuprufu en ég heklaði stærð M og þær smellpassa og ég nota skó nr. 39… mér ætti ekki að verða kalt á tánum á næstunni :)

Garn: Álafosslopi
Heklunál: 7,0 mm

Uppskrift: Þóra heklbók

Lopagalli og spíralsokkar

Loksins er ég búin að ganga frá gallanum sem ég byrjaði á um páskana... en jú það var auðvitað svo mikið að gera í skólanum að ég hafði ekki tíma. Er alveg viss um að frændi verði svo sætur í þessum galla í útilegunum í sumar :)

 

Eins og sjá má á myndunum þá notaði ég ekki lamba tölurnar sem ég bjó til úr fimo leirnum. Þar sem frændi minn er orðinn ansi vel tenntur þó að hann sé ekki nema átta mánaða þá þorði ég ekki að setja þær á. Ég nefnilega prófaði að bíta í eina og hún brotnaði auðveldlega... þær verða því bara að bíða í eitthvað annað á stálpaða krakka :)

Ég prófaði núna að ganga ekki frá endunum í mynstrinu heldur draga þá í gegnum miðjuna og sauma svo... þannig að ég varð að klippa, sauma og hekla fyrir þvott... það heppnaðist bara fínt :) Mjög fínt að spara sér að ganga frá öllum endunum ;)

Ég fékk fína æfingu í að lykkja saman í þessum galla... auðvitað þurfti að lykkja saman undir höndum en við bættist að lykkja saman á hettu og í klofi :) Ef einhver er að leita að aðferð til að lykkja saman þá mæli ég með þessu myndbandi:
http://www.knittinghelp.com/video/play/kitchener-stitch

Ég prjónaði svo ullarsokka handa frænda í stíl við gallann en gerði þá hælalausa. Þá endast sokkarnir honum lengur því að ég hafði þá vel langa :)

 

Gallinn:
Garn: Tvöfaldur plötulopi
Prjónar: 4,5 og 5,5 mm
Heklunál: 5,0  mm
Uppskrift: https://www.facebook.com/Buffaloasa

Sokkarnir:
Garn: Tvöfaldur plötulopi
Prjónar: 5,5 mm

Uppskrift: Sokkar og fleira

Prjónaðir ullarsokkar með totuhæl á einn hringprjón

Mín frumraun í að prjóna ullarsokka og líka að prjóna tvo hluti á einn hringprjón. Hér getið þið séð aðferðina en hún er algjör snilld: http://www.youtube.com/watch?v=n1WFCfdNu5g

Ég hefði óskað þess að ég hefði keypt einlitan lopa... finnst litaskiptingin ferlega ljót og því finnst mér sokkarnir ljótir :S... en svo sem vel hægt að nota þá :) Uppskriftin var samt mjög fín og auðveld.

Hérna sjáið þið betri hliðina:

... og svo er verri hliðin hér:

Svo fannst mér þeir vera full stórir á kallinn... kannski er ég bara farin að prjóna svona svakalega laust... en ég skellti þeim bara í þurrkarann eftir þvott og held að þeir passi fínt núna :)

Garn: Álafoss lopi
Prjónar: 5,5 (Ég prjónaði stroffið með 5,0)
Uppskrift: http://bland.is/messageboard/messageboard.aspx?advid=22929192&advtype=59

Hekluð húfa, sokkar og smekkur

Ég gaf þetta í sængurgjöf síðasta sumar. Ég gerði fyrst húfuna úr Mandarin Petit og hún passaði á dúkku... og ein frænkan fékk því dúkkuhúfu og dúkkusokka með í jólapakkann :)

Ég heklaði húfuna úr Trysil Garn Tuva Helårsgarn og notaði heklunál nr. 4,5. Uppskriftina rakst ég á netinu eins og svo oft áður og þið finnið hana hér. Ég stækkaði uppskriftina eitthvað því að mér fannst fyrsta húfan sem ég gerði svo svakalega lítil. Ég gerði því tveimur umferðum lengra í útaukningunni þannig að það voru 72 lykkjur og alls 27 umferðir. Eyrnaböndin hafði ég 15 lykkjur og bandið gert úr 35 ll. Ég gerði blómið svona:  1. umf. 8 ll tengja í hring. 2. umf. 3 ll (stuðull), stuðull í hring, *6 ll, 3 stuðlar í hring* tengja með kl. = 6 lauf. 3. umf. 1 ll, sleppa 1 stuðli, *fl, hálfst. 7 stuðlar, hálfst. fl* í næsta boga. 1 fl sleppa 1 stuðli, kl í næsta stuðul = 6 blöð 4 umf. innra blóm á milli stuðla = *fl, 4 ll* allan hringinn. 5 umf. *hst , 3 stuðlar, hst, fl* allan hringinn. 6 umf. allra innsta (ef vill) *fl, 2 ll*allan hringinn og tengja með kl.

Ég man ekki alveg hvar ég fann uppskriftina af sokkunum en þeir eru heklaðir úr sama garni en með heklunál nr. 4,0. Uppskriftina skrifaði ég hjá mér svona 25 ll +1 (27+1) gera fastalykkjur þar til mælist 7,5 – 8,0 cm (8,0-8,5) eða 18 umferðir (20) (band hinum meginn). Því næst úrtaka 6 með jöfnu millibili tvisvar og er venjuleg umferð á milli en í lokin tekið úr 4-5 (1 á milli). Sauma saman og hafa gatið sem nemur 11-12 umf. Hafa hæl áfram opinn. Gera 2 fl í hverja lykkju. Næsta umferð er til að gera göt fyrir band og byrjað 3 ll +1 og sleppa einni lykkju og stuðul í næstu + 1 ll osfrv. Gera svo tvær umferðir með fl í hverja. Enda svo á einni umferð í sama lit og bandið á að vera. Band 90 + 1 ll og fl til baka.

Smekkurinn er heklaður úr Sandnes Garn Mandarin Petit á heklunál nr. 3,0 og uppskriftina má finna hér.